Lumipas ang ilang buwan. Sinubukan na ni Henry ang lahat upang kahit papaano ay mapagaan niya ang loob ni Arriana. Binilhan niya ito ng mga bagong gamit para sa pagpipinta nito, ngunit hindi man lamang iyon pinansin ni Arriana.
Lahat ng bagay pagdating kay Arriana ay naging mahirap. May mga pagkakataon na kailangan ulit nitong turukan ng pampakalma sa tuwing magwawala ito. Minsan ay kailangan din nitong kabitan ng swero dahil ayaw ring kumain.
Balak ni Henry na i-homeschool na lang si Arriana kung sakaling maging okay na ito at naisip nang makabalik sa pag-aaral.
Sa tuwing kaharap ang mga anak ay mukha siyang matatag. Hindi niya pinapakitaan ang mga ito ng ni katiting na kahinaan. Ngunit sa gabi, tuwing papasok siya sa kwarto nila ni Mariella ay doon siya bumibigay. Tahimik siyang umiiy
