PAPASOK na sana ako sa loob ng sasakyan ng mapalingon ako ng marinig ko ang boses ni Alisha.
"Tristan.."
Biglang kumunot ang noo ko.
"Anong ginagawa mo rito?" nagtatakang tanong ko sa kasintahan.
Nang bigla itong ngumiti. Hindi ko maintindihan kung bakit kinabahan ako.
Hanggang sa hawakan nito ang kamay ko.
"P'wede bang mamaya na tayo umuwi? May kailangan lang akong sabihin sa iyo?"
Pilit pa nitong hinihila ang braso ko. Lalong kumunot ang noo ko.
"Tinatanong kita kung anong ginagawa mo rito? Bakit nandito ka sa labas ng kompanya? Sinong naghatid sa iyo dito?" sunod-sunod na tanong ko.
Alas singko na nang hapon ng mga oras na iyon. At pauwi na nga ako sa mansion. Hindi ko akalaing pupunta ito rito?
"Importante kasi ang sasabihin ko sa iyo. Kaya 'agad na kitang pinuntahan. Su
