Gusto ko na lamang pagak na matawa dahil kung titignan ang sitwasyon, siya na ang nasa ibabaw ngayon habang kami naman ang nasa ibaba. Sa totoo lang, nasaya ako sa narating niya, sa mga bagay na nakuha niya sa buhay, na naging successful siya at mayaman. Pero karma ba 'to sa akin? Sa amin? Siguro, gano'n nga. Ngayon naipon ang mga karma ko, at nadamay pa pati lahat ng nakapaligid sa akin, ang kumpanya, ang bahay, lahat. Gusto ko na lamang umiyak sa isiping 'yon.
Kung kami, may malaking kinahaharap sa buhay, siya kaya kumusta? Siguro masaya na siya sa buhay niya dahil kitang-kita naman 'yon sa itsura niya roon sa picture, eh. Sikat na sikat din siya at ibang-iba na ngayon. Hindi na siya 'yong nerd dati na nakilala ko, nawala na kasi 'yong malaking salamin niya, 'yong pangit na pananamit ni
