Tyler's POV
"Ah!" Ilang beses kong pinadyak-padyak ang sasakyan ko nang makalapit ako roon. Wala akong pakialam kung may nakatingin na sa akin o nakaagaw na ng atensyon ang ginawa kong pagwawala sa parking lot, ang gusto ko lamang ngayon ay ilabas lahat ng sakit, ang lahat ng galit para sa sarili ko.
Hinihingal ako nang isandal ko ang ulo sa gilid ng kotse ko. Tuloy-tuloy pa rin sa pagbuhos ang mga luha ko, ayaw tumigil sa pag-agos. Galit na galit ako sa sarili ko! Sobra akong galit sa sarili ko! Napaka-gago ko! Hindi na ako natuto at inulit ko pa ang pagkakamali ko noon!
Bakit ko ba laging mas pinipiling saktan siya? Mahal na mahal ko siya, eh! Pero bakit ko nagawa 'yon sa kanya?
Ipinangako ko noon sa sarili na hindi ko na siya kailanman sasaktan pa, pero sa huling pagkakataon, nabigo
