NAKAHIGA si Frankie sa rattan na duyan sa ilalim ng puno ng mangga at pinapalipas ang oras sa pagbabasa ng pocketbook na nahanap niya sa lamesa at mukhang pag-aari ng isa sa mga katulong.
“Nako, Miss Frankie… Bakit dito ka tumatambay sa ilalim ng puno ng Mangga? Baka mahigad ka na naman niyan,” nag-aalalang wika ni Manang Dolores.
“Hindi po ‘yan Manang. Kinausap ko na po lahat ng mga higad dito sa farm. Sinabihan ko na sila na layuan nila ako kundi at ipapahanap ko sila isa-isa at ipapalibing ng buhay,” pagbibiro ni Frankie.
“Ikaw talagang bata ka puro ka kalokohan…”
“Pero mukhang may higad po yatang naliligaw at nangangati, Manang Dolores. Paki suyo nga ako at paki handa ng kumukulong tubig na maraming siling labuyo. Ipangbabanli ko lang sa nangangating pechay nitong malaking higa
