ANG sarap ng naging tulog ni Frankie na animo walang masamang panaginip na lumigalig sa kanya sa kalagitnaan ng gabi. She feels so comfortable. Para bang kay tagal na rin na panahon mula ng huli siyang nakatulog ng ganito kasarap lalo na kung nagwawala ang panahon katulad ng nagdaang gabi.
Samatala, katulad ng nakasanayang araw-araw na buhay niya sa farm ay maaga namang nagising si Noah. Kahit anong puyat at pagod niya sa nagdaang araw ay animo automatic nang nagigising ang katawan at diwa niya hindi pa man tuluyang sumisikat ang araw. Hindi narin niya kailangan ng alarm clock para gisingin ang sarili dahil kapag naririnig na niya ang mga tilaok ng mga manok , huni ng iba’t ibang klase ng mga ibon sa mga puno sa paligid ng farm at boses ng iba’t ibang klase ng hayop na inaalagaan nila ay
