"Sa palagay mo ba mag-e-enroll sa language school natin ang mga guwapong football players?" tanong ng kasamahan niyang si Bettina habang nagla-lunch sila. Usap-usapan pa rin sa opisina nila ang pagpunta sa Goal Sports Bar. Naging star-studded kasi ang simpleng birthday celebration ng manager niya. Kaya kahit na walang alam sa football ay nagka-interes ang mga ito.
"Naku! Iiwan ko ang boyfriend ko kung isa man lang sa kanila ang maging estudyante ko," kinikilig na wika ni Gordon at nangalumbaba na parang nangangarap. "Isipin mo may guwapo na akong fafa, may pera pa ako. Hindi tulad ng boyfriend ko na buong pamilya niya ang binubuhay ko.”
"Itsura mo, uy! Di ka papatusin no'n," kantiyaw ni Paul dito.
"Hoy! Gusto ng mga may lahi na iyan ng kayumanggi at exotic beauty tulad ko," sabi ni Go
