Napatingin ako sa kay Sir Lazarus dahil kita kong tinitingnan niya lang ang pagkain sa harapan niya. Si Mang Apolo ay nilalantakan na.
“Grabe! Ang sarap ng luto ng Inang mo, Carmilla,” wika niya. Ngumiti naman ako bilang sagot.
“Naku! Nagkakamali po kayo Manong. Si Carmilla po mismo ang nagluto niyan,” saad ni Linda.
“So, you can cook?” sabat ni Lazarus. Natigilan naman kaming tatlo. Bigla-bigla kasing sasabat eh. Nakatunganga lang siya sa pagkain kanina pa.
“O-Opo,” sagot ko. Nagpatuloy naman sa pagkain si Manong at natigilan kami nang kumuha ng lumpia si Sir Lazarus. Napalunok naman ako at naghihintay na isubo niya iyon. Hindi lang pala ako kung hindi kaming tatlo. Para siyang commercial model na pang-royalty sa ganda ng mga daliri niya. Ang hahaba at maugat. Natigilan naman kami a
