Huminga ako nang malalim habang nakatayo sa tapat ng elevator. Nang bumukas iyon ay kaagad na pinindot ang top floor. Hindi ko alam kung paano ko ba ‘to iaabot sa kaniya. Magiging masaya ako kapag nakita kong nandoon sa labas ang kapatid niya. Hindi ko na kailangang silayan ang mukha ng boss naming ipinaglihi yata sa sama ng loob. Pagkabukas nga ng elevator ay kaagad na tumambad sa akin ang sobrang linis na sahig.
Nagre-reflect pa ang sarili ko sa sobrang kintab nu’n.
“Wow!”
Hindi ko mapigilang mamangha dahil sa nakikita ngayon. Huminga ako nang malalim at tumayo sa tapat ng pintuan niya at handa na sanang kumatok nang marinig ang tunog ng intercom.
“Sanitize yourself please.”
Sa boses na iyon halatang ang kapatid iyon ng boss namin. Napatingin naman ako sa gilid at kaagad na nakit
