Hahabulin Ko Siya (COMPLETED)

Bente Singko (1)

NAKABALIK siya sa Bukidnon dalawang araw bago ang kasal ni Lili at Remus. Mabuti talaga na naging maayos ang lahat tungkol sa customer na nadisgrasya sa loob ng store niya. Natagalan din siya kasi inasikaso pa niya ang bagong job description ni Aileen na ginawa niyang Assistant Manager. Nakita kasi niya na pursigido si babae na maging marunong sa kalakalan.

"Konting tiis na lang Ate Sam at makaka graduate na ako," nakangiting pahayag nito. "Salamat sa inyo ni Kuya Nate."

Kaya magaan ang loob niyang bumalik sa Bukidnon para sa kasal ng kaibigan.

Nang makarating siya sa bahay ay wala siyang taong natagpuan doon kundi ang katulong. Nasa hotel na raw ang couple para asikasuhin ang mga kulang. Ang mga lalaking Alegria naman ay andon sa hotel para asikasuhin ang mga pamilyang dumating mula sa