Matapos mag-usap sa opisina ng campus kaugnay sa nangyaring kaguluhan sa pagitan nila at ng grupo ni Rheanon ay napagdesisyunan ng mga namamahala sa campus na suspension ito ng kung ilang araw bilang kaparusahan sa ginawa nito sa kan’ya.
Hindi man ipinaliwanag pa ng mga ito ngunit alam naman niyang hinding-hindi naman maaaring alisin o patalsikin ito sa campus dahil bukod sa isa sa mga major sponsors ang mga magulang nito roon ay hindi naman kaila sa kanilang lahag na isa rin sa may-ari ng eksklusibong paaralan sa kolehiyong iyon ang mga magulang nito, gayundin ang mga magulang ni Winston.
Sa bagay pa lamang na iyon ay gusto ng manliit ni Daniella, lalo na nang magpunta pa ang mga magulang ng binata roon upang saglit na ipagpaalam ang binata na liliban ito ng ilang araw upang bisitahin a
