KINAUMAGAHAN.
Balisang-balisa ang matandang si Donya Felistia nang malamang pauwi ang kanyang asawa sa mga susunod na araw.
Hindi siya mapalagay ng mga oras na iyon lalo na't 'di maayos ang kalagayan ng anak nitong si Zasha. Dahil sa ginawa niyang pagpapahirap dito, nakaratay ito sa higaan sa taas ng lagnat nito.
Hindi naman niya ito mapapalayas ng ganoon-ganoon na lang. Lalo na't nagprotesta ang kanyang anak na si Judas.
Tiyak daw na maghihinala sa kanila ang ama ni Zasha at posibleng hindi ito maniwala sa palusot nila lalo na't simula ng umalis ito, hindi na nito nakausap ang anak nito kahit sa telepono.
Marahil nga raw kaya ito nakapagdesisyong umuwi ng maaga dahil naghihinala ito kung bakit 'di nito nakakausap ang sariling anak nito?
Kaya iyon ang labis na ikinababahala ng ma
