BUWAN ANG MGA LUMIPAS..
Nakabalik siya sa kanyang pag-aaral. Ngunit kahit sa campus, nakararanas pa rin siya ng pambu-bully, ayon na rin sa utos ng magkapatid. Gayunpaman, tiniis niya ang lahat ng iyon.
Ang ipinagtataka niya, napapadalas 'ata ang pagsama ng pakiramdam ng kanyang itay. Iyon ang dahilan kung bakit hindi niya ito magawang iwanan. Naudlot ang plano niyang umalis sa pamamahay nito dahil sa kanyang pag-aalala.
Sa loob nang ilang buwan, bumagsak ang pangangatawan nito at laging nananakit ang ulo at nanghihina. Madalas na rin itong nakahiga na labis na ipinag-aalala ni Zasha.
Ang ipinagtataka niya, kung bakit bigla itong nagkasakit? Samantalang noong umuwi ito galing ng ibang bansa, ang lakas lakas pa nito?
Pagkarating sa bahay, naisipan niyang puntahan ang ama sa library
