IMPIT na ungol ang kumawala sa bibig ni Zasha ng mapansing nasa kalagitnaan siya ng karagatan.
Kaagad tumulo ang luha sa kanyang mga mata. Lalo na't pakiramdam niya, para siyang mapuputuluan ng mga braso dahil nakatali ito habang siya ay nakabitin.
Hindi rin siya makapagsalita at natatakpan ang kanyang bibig. Hindi rin siya makakilos at natatalian din ang kanyang mga paa.
Hirap na hirap na ang pakiramdam ni Zasha. Pagod na pagod na ang kanyang katawan.
Hindi niya malilimutan kung paano siya sinampal ng ilang beses ng matandang Mondran na iyon dahil sa tindi ng galit nito kay Christopher dahil daw sa ginawa nito sa mag-ina nito.
Nagawa pa nga siya nitong tadyakan na labis niyang ikinadaing. Ramdam niyang namamaga ang kanyang mga labi dahil sa ilang beses nitong pananakit sa kanya.
