ANGEL
Paglabas ko ng ospital ay sinalubong ako ni Raf.
"Anong nangyari?" nag aalalang tanong niya sa akin.
"Pwede bang mamaya ko na lang iku-kwento, gusto ko na lang munang makalayo dito." umiiyak kong sabi kay Raf.
Hindi ko alam kung paano ba ako hihinto sa kakaiyak, ang sakit-sakit lang na sa ganito nauwi ang relasyon namin ni Richard. Kanina habang yakap niya ako, gusto ko na rin siyang yakapin. Gusto ko ng bawiin lahat ng sinabi ko sa kanya. Pero pinilit kong magpakatatag, pinilit kong panindigan ang naging desisyon ko. Hindi ako pwedeng maging mahina, ginusto ko naman ito kaya tama lang na panindigan ko na ito.
Hinayaan ko lang si Raf na mag desisyon kung saan niya ako dadalahin, wala akong kakayanan ngayon na magdesisyon para sa sarili ko. Sobra akong nasasaktan, akala ko malaka
