RICHARD
Simula ng maghiwalay kami ni Angel ay nawalan ng direksyon ang buhay ko. Madalas nasa penthouse lang ako at sinusundan kung saan magpunta si Angel. Gusto ko siyang lapitan sa tuwing makikita ko sya pero pinipigilan ko ang aking sarili dahil alam ko na malaki ang galit niya sa akin at baka hindi niya gugustuhin na makita ako.
Minsan iniisip ko na sinasaktan ko na lang ang sarili ko dahil sa tuwing susundan ko siya ay nakikita ko siyang masaya kasama si Raf. Masaya na siya na hindi ako ang kasama niya niya. Ang mga ngiti niya ay hindi na para sa akin, masakit pala na yung taong mahal na mahal ka ay hindi na ikaw ngayon ang mundo niya.
Nakatanaw ako sa kanila mula dito sa may bakal na poste na kinakukublihan ko. Kitang-kita ko ang saya sa mukha ni Angel, pero may nababanaag din ako
