HER POV
Pumunta kami sa garden area ng building, kung saan kami nagkita ni Dylan noon. Walang gaanong tao dito ngayon nagsisimula na rin naman ang trabaho nila kaya kaming dalawa lang talaga dito. Bumitaw naman si Krystal sa pagkakahawak sa akin at napatingin sa akin ng seryoso.
“Tatapatin na kita, Rhianne,” wika niya sa akin. Hindi ko alam kung ano ba ang gusto niyang sabihin, hindi ko alam kung saan siya nanggagaling para kausapin niya ako ngayon.
“Alam mo naman na merong kami ni Dylan.”
Merong sila? Ang pagkakaalam ko ay wala naman sila ni Dylan. Si Dylan mismo ang nagsabi sa akin. Hindi ko alam kung saan niya nakukuha ang bagay na iyon. Besides, siya nga ang pinalit ni Dylan sa akin, siya yung babae na gusto niyang hanapin from his past. Nasa kaniya na si Dylan, bakit niya pa ak
