NAGISING ako dahil sa malakas na kulog at kidlat na nagmumula sa kalangitan. Mahina akong napaing nang kumirot ang sikmura ko.
Pero nang maalala ko kung ano ang mga nangyari ay pabalikwas akong bumangon. Nilibot ko nang tingin ang buong paligid ng kinaroroonan ko ngayon. Para akong nasa malaking kubo. Pero malinis at halatang tinitirahan iyon at inaalagaan.
Niyakap ko ang sarili ko nang umihip ang malakas na hangin. Nababalot din ng takot at kaba ang puso ko nang bumalik sa ala-ala ko ang sinapit ni Alessandro. Hinihiling ko lang na sana mailigtas siya ni Beckett.
Muli kong nilibot ang tingin ko sa aking paligid. Kailangan kong makahanap ng paraan para makaalis dito at maka uwi sa anak ko.
"Buti naman at gising ka na."
Mabilis akong bumaling ng tingin sa pinto nang bumukas iyon. "It's
