NAPAANGAT ang tingin ko sa babaeng bisita ni Beckett na lumabas mula sa opisina nito. Meron itong pagkakawangis kay Beckett at halos pareho sila nitong tumingin na para bang inaarok ang buo mong pagkatao.
Akala ko may sasabihin siya sa akin pero nagpatuloy ito sa paglakad at agad na sumakay sa elevator.
Napabuntong-hininga ako dahil sa ginawa kong pagsigaw kay Beckett kanina sa harap mismo ng bisita nito. Kahit saan mo tingnan, mali ang ginawa ko dahil boss ko si Beckett. Siguradong galit siya ngayon sa akin.
Sino ba ang hindi magagalit sa ginawa mo kanina? Pinahiya mo lang naman siya sa bisita niya kanina! Sabi ko sa aking sarili.
Kinuha ko ang cellphone ko mula sa bag ko at tinawagan si Luca.
"Ms. Gomez, napatawag ka?"
"Hmmm...gusto ko lang sana itanong sa'yo kung anong paboritong
