Ailah
“WHAT’s that?” tanong ni Arvie sa akin nang papasakay na ako sa backseat para tabihan si Elias.
Napatingin ako sa paper bag na dala-dala at napahawak sa batok. “Isosoli ko kay Sir Tan,” simpleng sagot ko hindi makatingin sa kanya.
Sa gilid ng mga mata ko ay nakita ko ang pagtaas ng kilay niya pero nakahinga ako nang maluwag nang hindi na siya mag-usisa pa.
Kanina kasi habang nagpapalit ng damit ay naalala ko ang pinahiram na t-shirt sa akin ni Calix Tan na hindi ko na sa kanya naisoli pa. Papunta naman na kami ng hospital kaya iiwanan ko sa lobby para ipadala sa kanya sa opisina niya.
“Ma, sa harap ka,” anang anak ko nang papaupo na ako.
“Huh?” takang tanong ko sa ibig niyang sabihin. “Anong sa harap–”
“Sa tabi ka ni Papa. Big boy na ko, Ma. Hindi naman taxi driver si Papa
