Ang mga sumunod pang araw ay sobrang matiwasay na hindi ko rin inaasahan. Ito na siguro yung rainbow matapos ang napakalakas na ulan sa mga pangyayari sa buhay ko.
Nagtungo kami ni Lincoln sa cafè kinaumagahan upang doon na mag-almusal. Gusto rin niyang magkape. May bagong pakulo pa ang cafè at mayroon nang shelves sa loob na pupwede naming kuhanan ng mga libro.
Naupo kami ni Lincoln sa isang sulok, sa tabi ng glass wall at tabi rin ng mga istante ng mga libro. Kumuha muna ako ng ilang libro doon na pinili ko tungkol sa mga lobo bago ako umupo sa table namin habang siya nama'y umo-order.
Binuklat ko ang libro na mayroong titulong Howl at saka ako tahimik na nagbasa. Isa lamang iyong fiction, pero karamihan sa mga characteristic at ability ng mga lobo roon ay base sa totoong abilidad nil
