Inalalayan ko si Lolo papunta sa banyo para makaligo siya. Ayaw man niya sa ginagawa ko pero matamis akong nakangiti sa kanya at sa konti kong paglalambing ay hinayaan na niya ako. Nakabalik ako rito sa ospital matapos akong ihatid ni Ervin. Bumili nan rin ako ng pagkain namin for dinner at ilang prutas. Nagpasalamat ako sa aking kaibigan na nagpahayag ng pag-aalala sa aming dalawa ng aking Lolo. Mabuti na lamang at naging kaibigan ko siya at may pinagkakatiwalaan pa rin ako sa farm dahil sa kanya.
Tinulungan ko si Amoz na tanggalin ang suot niyang hospital gown. Ito na ang sinuot sa kanya dahil duguan ang kanyang damit at pinunit pa. Ang sabi niya, hindi daw hinugot ang kutsilyo sa kanyang tagiliran para hindi siya mag-bleed ng husto. Maswerte siya dahil wala ring natamaan na organ niya
