Hindi mawala sa isip ko ang sinabi ni Brent. Tama ba ang aking narinig? Magpapakasal sila ni Jenny?
"Ano ang sinasabi mong kasal hijo?!" gulat na sabi ni Tita Vernice.
"Kailangan ba paulit-ulitin ko para maintindihan niyo? Magpapakasal na kami ni Jenny para hangganh kailan ay wala ng sagabal sa amin. We're going to live happily ever after at wala na kayong magagawa doon!" mariin na sabi ni Brent.
"Brent, huwag kang magpadalos dalos ng desisyon mo anak, Jenny ano na naman ba ito? Hindi kayo pweding magpakasal ni Brent na ganyan ang sitwasyon niya!" sigaw ni Tita Vernice kay Jenny.
"At bakit hindi Tita? Nagmamahalan kami ng anak mo! Kaya lang naman ayaw mong magpakasal kami dahil ayaw mo sa akin. Ang akala ko ba mahal mo si Brent? Bakit pinagkakait mo ang bagay na ikakasaya niya?!" sabi
