KABANATA 13
‘Ayos ka lang ba? Nagkasakit ka ba ulit? Nag-leave ka raw kasi ng tatlong araw.’
Napabuntong-hininga si Jian nang mabasa ang mensahe ni Vernon sa kaniya. Pauwi na siya ngayon sa bahay nila ni Felix at last day na ng leave niya ngayon, bukas ay papasok na siya. Excited na raw si Inah na magkita sila ulit at ganoon din siya. Nang mabasa lang ang mensahe ni Vernon ngayon lamang ay naalala niya si Vander at ang mga chikiting niya kung kaya ay hindi na rin siyang makapaghintay na makita sila ulit. Dahil sa mga personal na nangyayari sa buhay niya ay napababayaan na niya ang mga mahal niyang estudyante. Naisip ni Jian na kailangan niyang bumawi.
‘Ayos lang ako, Vernon. Kinailangan ko lang ng kaunting pahinga pero wala naman na akong sakit.’
Binalik na niya sa kani
