YUAN'S POV:
PAGLABAS ko ng hospital, naghanap kaagad ako nang mabibilhan ng pagkain at iba pang kailangan namin ni Naya. Hindi naman ako nahirapan dahil may mga kainan malapit dito sa hospital. Bumili din ako ng ilang prutas. Hinanap ko pa ang manggang hilaw na gustong kainin ni Naya. Nang mabili ko na lahat, bumalik na ako sa hospital.
Patakbo akong umakyat ng hagdanan. Hindi ko kasi maiwasang mag-alala na iniwan ko si Naya at wala itong ibang kasama. Parang lulukso ang puso ko sa ribcage nito nang makarating ako sa silid na akupado namin at makitang maayos si Naya. Nasa tabi pa rin siya ni nanay. Hawak-hawak ang kamay nito at mukhang natutulog.
Napangiti ako na parang nabunutan ng tinik sa dibdib na maayos sila dito. Kumatok na muna ako bago pumasok. Nag-angat naman ito ng mukha na
