YUAN'S POV:
SUNOD-SUNOD akong napalunok. Kabado na inaalo itong umiiyak sa balikat ko habang mahigpit akong yakap-yakap. Hindi ko rin alam kung bakit pero--para akong kinukurot sa puso ko sa kanyang paghikbi. Damang-dama ko sa puso ko ang paghihirap nito. Ang pangungulila niya sa kanyang asawa. Ang paghahanap nito ng kakalinga sa kanya.
"Anak, nandito si nanay hmm?" wika ni nanay Celia na lumapit sa gawi namin.
Kumalas si Naya sa akin. Nagpahid ng luha na bumaling kay nanay. Umalis ako sa kinauupuan para mabigyan sila ng espasyo. Napahagulhol si Naya sa balikat ni nanay na hinagod-hagod ito sa likuran. Hindi ko namalayan na tumutulo na pala ang luha sa aking mga mata habang nakatitig sa kanya. Para akong pinipiga sa puso habang pinagmamasdan itong umiiyak. Damang-dama ko sa puso ko an
