Chapter 34
Witness
Nang araw ding iyon ay pumasok ulit ako sa loob ng city jail hindi para bisitahin si Gabriel. Marahil iyon ang unang pagkakataon na hindi siya ang aking pupuntahan ngunit ang kaniyang kapatid na si Daniel del Rosario.
Hindi ako napigilan ni Wayne. Nais nitong samahan ako habang kinakausap si Daniel ngunit tumanggi ako. Kung kailangan kong makausap si Daniel para palabasin ang lahat ng kaniyang nalalaman patungkol sa mga karumal-dumal na mga anomalyang ginagawa ni Judge Perez ay kailangan ko itong gawin nang mag-isa.
Balisa akong naghihintay sa dating pwestong inuupuan sa tuwing dadalaw kay Gabriel. Nang tumunog ang mga rehas hudyat sa bagong pagpasok ng kung sino ay napaawang ang aking bibig. Hindi ko pa nakikilala si Daniel at tanging sa litrato lang ng diyaryo naki
