Nasa building ng DGC si Nathan nang araw na iyon. Halos tapos na ang klase, isang linggo na lang ay graduation na ni Louise. Ang susunod naman na linggo ay graduation rites ng college department. At kasama siya doon.
Ang building ng DGC ay may walong palapag. Iba't ibang departamento bawat palapag. May maliit na opisina siya doon na binigay ng Daddy niya second year college pa lamang siya para maging pamilyar sa pasikot-sikot ng kumpanya. Ang accounting at admin department ng supermarket chain ng kanyang kuyang si Homer ay nasa building din na iyon. At maging ang Delgado Law Firm ng kanyang uncle.
Ang kanyang opisina ay nasa ikawalong palapag. Natatanaw sa dingding na salamin ang dagat ng Puerto Galera. Huminga siya ng malalim. Bukas ay araw ng sabado. Their first monthsary. Hindi pa siy
