LUMIPAS ng ilang oras ang paghihintay ko, ngunit ni hindi na ako binalikan pa ni Matteo. Pero hindi pa rin ako umalis sa puwesto ko sa likod ng pinto, naghihintay pa rin ako na pagbubukasan niya. Ngunit unti-unting nawawala ang pag-asa kong makakawala pa ako sa mga kamay niya nang lumipas pa muli ang ilang oras ay nandito pa rin ako sa aking dating silid, nananatiling nakakulong.
Dahan-dahan akong tumayo at lumapit sa malaking salamin. Naglandasan na naman ang mga luha ko nang makita ang kalunos-lunos kong mukha, may pasa ang aking pisngi dulot ng pagkaka-sampal sa akin ng asawa kanina. Bumaba pa ang aking tingin sa aking mga braso, maski roon ay mayroon na ring mga pasa dulot din ng mahigpit niyang hawak sa akin.
How he became like this? Sobra na ang pang-aabuso niya. Paano't nagagawa n
