الشيخ رجب : بس انتي كنتي صغيرة اوي علي الهم ده يا بنتي
حور: كان صعبان عليا نفسي جدا وكنت عماله اعيط واقول : ليه انا بيحصل معايا كده .. اياد قعد جنبي على السرير
وقعد يطبطب عليا ويقولي : كل حاجه هتبقي كويسه وكان بيحاول يطمني .. لكن انا كنت باقول له : ارجوك افتح انا عاوزه امشي من هنا بعد الكلام اللي انا سمعته من اللي هي المفروض تبقى بنت عمي .. وانا من لحمها ودمها .. بتعمل فيا انا كده امال الغريب يعمل ايه .. اياد : احنا جنبك عمرنا ما هنسيبك يا حور .. وكفايه ان ادم بيحبك ..
حور : وانا بقى مش باحب حد ولا عمري هاحب حد عشان انا مريضه نفسيا .. اللي انا شوفته في حياتي خلاني انسانه مش طبيعيه ..
اياد : عمري ما هاصدق الكلام ده عليكي .. لاني اعرفك من وقت قصير .. بس شوفت طيبه الدنيا كلها فيكي .. وعمرك ما كنتي وحشه مع حد .. وهو قاعد جنبي سمعنا صوت ادم من تحت وهو بينادي عليا .. بصيت له من الشباك وقلت
