الشيخ رجب: خرجتي معاه لوحدكم؟
حور: خرجت انا واياد وركبنا العربيه .. بصيت له وقلت له : هو انت مش هتكلم مايا ولا ايه .. كده لو عرفت ممكن تضايق انك خرجت من غيرها ..
اياد : لا مش هاكلمها مش عاوز اخرج معاها اصلا .. حور : بعد اذنك يا اياد كلمها عشان ما تتضايقش منك .. انا مش عاوزه اكون سبب مشاكل ما بينكم .. وبعدين لو عرفت ان انا وانت خارجين مع بعض هتبقى مشكله كبيره ..
اياد : وهي ما لها اصلا .. سيبك منها دلوقتي انا هاخذك .. وعاوزين نخرج مع بعض عشان اتكلم معاكي في الموضوع بتاع باباكي ..
حور : هو انت يا اياد عاوز تخلص مني ولا ايه .. ومش عاوزني اقعد معاكم في البيت .. لو انت متضايق من وجودي عندكم في البيت قل لي .. لكن ما تقعدش تفتح لي موضوع بابا ده كتير ..
اياد : والله العظيم انا اكثر واحد مبسوط انك قاعده معانا .. انا كنت كل ده بقول لك عشان مصلحتك .. وانتي بتاخدي كلامي بطريقه ثانيه مش عارف ليه ..
