عائلة الشيخ رجب

فرصة زواج

نزلت على السلم عشان اشوف ادم عاوز ايه .. لقيت اياد قاعد وبيبص لي بصه غريبه جدا .. انا ما كنتش فاهمه هو بيبص لي كده ليه ..

اياد : انتي مين ! مين دي يا ماما ..

ساره : دي حور هيكون مين يعني .. هو انا كل يوم هاجيب بنت جديده ولا ايه ..

اياد : حور ازاي يعني .. دي اتغيرت تماما .. انت عملتي فيها ايه يا ماما .. اخذتي البنت وغيرتي شكلها ازاي كده .. شكلك جميل جدا على فكره ..

حور : شكرا لحضرتك .. ايوه يا ادم عاوز ايه .. عمال تنادي عليا .. انا كنت باغير هدومي بس ..

ادم : الله يا حور شكلك حلو قوي .. والهدوم اللي انتي لابساها جميله جدا ..

ساره : الهدوم دي كلها ذوق حور هي ذوقها جميل جدا بصراحه ..

حور : شكرا يا مدام ساره ده زوقك الجميل ..

ادم : ممكن بقى تيجي عشان نلعب مع بعض شويه .. ساره : خلاص جهزتي شنطتك زي ما قلت لك يا حور .. حور : ايوه جهزتها كلها ..

ساره : خلاص احنا بكره الصبح بدري هنتحرك