الشيخ رجب : وبعدين يا حور جرالهم حاجه
حور :بعد حوالي نص ساعه وانا واقفه مستنيه اي حد يظهر عشان اكلم اياد اطمنوا .. لانه كان ماشي خايف جدا على اهله .. لقيت العربيه بتاعه استاذ عمر وصلت وكلهم موجودين وبخير .. جريت عليهم وانا عماله اعيط و كنت باقول لهم : انتم اتاخرتوا كده ليه .. احنا كنا هنموت من الخوف عليكم ..
ساره : اهدي يا حور ما فيش حاجه .. المشكله ان العربيه اتعطلت مننا في نص الطريق .. وعلي ما اتصلنا باحد يجي يصلحها كان الوقت اتاخر ..
حور : احنا بنكلمكم بقى لنا كتير جدا . ما حدش فيكم بيرد علينا .. وانتي تليفونك فين يا مدام ساره ..
ساره : انتي ما تعرفيش .. مش ادم اخذ التليفون ورماه من الشباك .. كان مطلع ايده من الشباك وهو بيلعب بيه .. لانه كان زهقان جدا في الطريق .. التليفون اترمى مننا ورجعنا نبص عليه ما لقيناهوش .. فمشينا عشان ما نتاخرش ..
حور : اصل في واحد رد عليا واخد التليفون
