Hindi na alam ni Pio kung ano ang una n’yang iisipin. Nagkakanda buhol buhol ang isip n’ya dahil kay Quin. Parang habang tumatagal kasi ay parang gustong gusto n’ya itong tingnan ng tingnan. At kapag naman nakikita o kaharap n’ya ito ay hindi n’ya maiwasang titigan ang mukha nito. Kanina pa s’ya natutuliro at inis na inis sa sarili. Bakit ba nagkagano’n na s’ya mula ng aksidente n’yang malaman na niloloko lang ni Marco si Quin? No. Scratch that. Alam n’yang nagsimula s’yang makaramdam ng kung ano simula ng malaman n’yang magnobyo na sina Marco at Quin. Kahit hindi n’ya ‘yon pinapansin noong una ay kahit papaano ay naaapektuhan s’ya dahil sa nakikita n’yang sweetness ng mga ito sa school. Inisip pa nga n’ya na baka dahil iritado lang s’ya kay Marco inis na inis s’yang makita itong masaya. A
