Ilang mura na yata ang nasambit sa utak ni Quin nang makita n’ya ang pagbaba ng tingin ni Pio papunta sa mga labi n’ya. Alam na alam n’ya sa sarili n’yang babaero ito pero kahit kailan ay hindi n’ya iyon naramdaman dahil kahit kailan ay hindi naman nito iyon ipinaramdam sa kanya. Ibang iba ang tungo nito pagdating sa kanya kumpara sa ibang babae. Pio was never the flirtatious type when it comes to her. Kahit kailan ay hindi s’ya nito nilandi kaya gulat na gulat s’ya nang makita ang seryosong paninitig nito sa kanya at ang pagbaba pa ng tingin nito sa mga labi n’ya. Sa sobrang pagkalito ay napapikit s’ya ng mariin. Ang kaninang kumakabog na dibdib n’ya dahil sa kaba na nararamdaman sa panenermon na gagawin sa kanila bukas ni Mrs. Benusa ay mas lalong nadagdagan ngayon ng kung anong kaba. Ku
