Kulang na lang ay murahin ni Pio ang sarili matapos n’yang makapasok sa loob ng kwarto at ma i-lock iyon. Napahawak s’ya sa buhok n’ya na sinabunutan ni Quin kanina at nahiling na sana pala ay mas masakit pa ang naging pag sabunot nito sa kanya dahil hindi na n’ya alam kung ano ang nangyayari sa kanya. Mula nang malaman n’yang niloloko lang ng gagong Marco na ‘yon si Quin ay hindi n’ya maintindihan kung bakit hindi na s’ya pinapatahimik ng kunsensya n’ya. Sa totoo lang ay wala naman sana s’yang pakialam kung masaktan pa ang kababata n’ya dahil ginusto naman nito iyon. Ginusto nitong magmahal at magkandarapa sa maling lalaki kaya kasalanan nito kung masasaktan man ito. Pero parang sarili lang n’ya ang niloloko n’ya sa tuwing sasabihin n’yang wala s’yang pakialam kung masasaktan man ito. Hin
