Halos hindi na iniiwanan ng tingin si Quin ng babae sa counter ng restaurant kung saan s’ya nagpasyang pumasok matapos ang ginawa n’yang pagkompronta kina Marco at Cathy. Sa sobrang tindi ng galit n’ya ay halos makalimutan na n’ya ang gutom dahil hindi nga pala s’ya nananghalian kaya nang nasa sasakyan na s’ya pauwi ay ni ang umiyak ay hindi n’ya magawa dahil sa sobrang gutom na nararamdaman.
Halos maubos na n’ya ang pangalawa sa tatlong servings ng mga pagkain na inorder n’ya. Siguro ay naiintriga ang babaeng iyon dahil nag iisa lang s’ya pero pang tatlong tao ang inorder n’ya. Ano bang magagawa nila kung masyado s’yang nagutom at napagod dahil sa pinaghalo halong emosyong naramdaman n’ya kani kanina lang. Mapait na napangiti s’ya nang maalala ang naging usapan nilang tatlo kanina. Halos
