“Hoy, Procopio! Turn mo na!”
Napalingon si Pio kay Quin nang biglang magsalita ito sa tabi n’ya. Kasalukuyan silang nasa isang room kung saan kasalukuyang ginaganap ang Quiz Bee para sa Nutrition Month event at kanina pa s’ya wala sa sarili dahil sa naging usapan nila ni Cathy during lunch break. Tinanong n’ya ito kung ano ang naging resulta ng pakikipag usap nito at ni Marco. Sinabihan kasi n’ya itong sabihan si Marco na alam na n’ya ang kalokohang ginagawa nito. Pero nang makita n’ya kanina si Marco ay parang ito pa ang nagmamalaki. Gustong gusto na nga n’yang sugurin ito ng sapak kanina kung hindi lang talaga n’ya pinigilan ang sarili. Ang lakas ng loob nitong maglaro ng damdamin ng mga babae. Aminado naman s’yang hindi s’ya matino pero at least naman s’ya ay hindi nangangako at hindi
