Calista
“KAPAG NAHULI tayo ni Uncle Romeo o nalaman niya ang kinalaman ko sa pagtakas ninyong dalawa, paniguradong may paglalamayan si Dad na anak niya.”
Iyon ang sinabi ni Chaos as we enter the private plane. Siya ang nag-asikaso ng transportation namin dahil sasama kami sa Manila. Ang sabi kasi nila, kung dadaan kami sa airport, maaaring hindi kami makaalis ng Puerto Rivas dahil haharangin na kami ng security ng mga Van Aalsburg at sasabihin ng tatay ni Chaos kay Tito ang kinaroroonan namin. Kaya ito kami at sa private plane sasakay.
“Hindi ba malalaman ng dad mo na gamit natin ang private plane niyo, Chaos?” tanong ko sa kanya.
Tiningnan ko ang mga crew na naririto. Baka isumbong nila kami.
“No, hindi naman ito ang private plane namin. No need to worry. Ang mga tao na naririto ay
