Calista
AKALA MO ay tumigil ang oras matapos sabihin iyon ni Rage sa mga magulang namin.
Hawak niya pa rin ang kamay ko at kahit alam ko na dapat ay itulak ko papalayo si Rage, hindi ko na rin magawa. Kapag binitawan ko si Rage, pakiramdam ko ay mapapaupo ako sa sahig.
Noong una, tahimik talaga kaming apat. Nanatiling nakaluhod si Rage sa harapan ni Mama. Siguro dahil gulat sa nangyari. The next thing I knew, hindi na ako hawak ni Rage. Nabitawan niya ako ng suntukin siya ng kanyang ama.
Napaupo si Rage sa sobrang lakas ng suntok na ginawa ng ama sa kanya.
I gasped due to the shock.
“Anong ginawa mo, Rage?!” Umalingawngaw ang malakas at nakakatakot na boses ni Tito Romeo. Ramdam na ramdam mo roon ang galit niya.
Nagtaas si Rage ng tingin sa kanyang ama. Nakita ko na dumurugo ang pi
