[Pamela]
'Sa tingin mo, mahal ka talaga ni kuya?'
Pinikit niya ang mata at pilit inaalis sa isip ang sinabi ni Alden. Mahal siya ni Alaric. Alam at ramdam niya iyon.
Mahal siya ng asawa niya!
Niyakap niya ang unan kung saan naiwan ang amoy ni Alaric. Nadala lang si Alaric. Nagseselos lang siguro ito kay Alden kaya naging gano'n ito kanina.
Hindi magseselos si Alaric kung hindi siya mahal nito, di'ba?
Napangiti siya sa naisip. Tama, Pamela! Mahal ka ng asawa mo kaya wag mo ng isipin ang sinabi ni Alden!
NAKATINGIN sa kanya sina Vera at Nikka ng may pagtataka sa mukha. Kanina pa napapansin ng mga ito ang kawalan niya ng kibo at gana kumain. Nasa isang sikat na restaurant sila ngayon. Nag-aya si Vera na kumain at treat sila nito.
Nagkatinginan nalang ang dalawa niyang kaibigan at hin
