CHAPTER 12
Six years later
The Medical City
BINUKSAN ng babaeng ilang taon nang nakaratay sa isang hospital bed ang mga mata nito. Malabo, maulap, walang makita na ano man ang babae.
“Oh, God! Gising na siya. Gising na siya Vernon,” narinig niya na sabi ng isang babae. Umiiyak ito. “Jess…? Jessica?” Sabi uli nito. Kasabay niyon ang mahigpit na paghawak sa palad niya.
She closed her eyes, and then open them again. She blinks, hoping she could see something. Isa, dalawa…unti-unting nagkakaroon ng imahen ang maulap niyang paningin. Hanggang sa tuluyang luminaw iyon at makita niya ang isang babaeng may luha ang mga mata. Sa likod ng babae ay naroon ang isang lalaki.
Sino ang mga ito? Nasaan siya? Sinubukan niya na ibuka ang kanyang labi para magtanon
