BINILISAN ni Yvonne ang paglalakad ngunit naabutan pa rin siya ni Travis. Hinawakan nito ang braso niya at pinaharap siya rito.
“What is it this time, darling angel?” naiinis na tanong nito sa kanya. “Are we playing games again?”
Nagpalinga-linga siya. Sana ay wala si Antonette sa paligid. Sana rin ay walang kakilala nito ang makakita sa kanila na magkasama ni Travis. Alam niyang hindi siya tatantanan ng kaibigan niya sa pagtatanong kung bakit kausap niya ngayon si Travis.
“Look at me when I’m talking to you. You’re pissing me off, Yvonne. I’m not in the mood for games right now, damn it!”
Napapitlag siya sa ginamit nitong tinig sa kanya. Ngayon lang ito napikon at nagalit sa kanya. Napatingin siya sa mukha nito. Inis na inis ito at frustrated na frustrated. Ganoon na ba katindi ang na
