YVONNE decided to choose friendship over Travis. Napag-isipan na niyang mabuti ang naging desisyon niya. Hindi niya pinakinggan ang pagtutol ng kanyang puso. Kailan lang niya nakilala si Travis. Mas matagal na niyang kilala at kaibigan si Antonette. Hindi niya kayang pagtaksilan ang isang kaibigan. Kahit na masasabing wala namang problema dahil walang relasyon ang dalawa. Wala naman sigurong masama, walang mali.
Walang ginagawang mali pero nagsisinungaling ka sa kaibigan mo, tuya niya sa kanyang sarili. Kung convinced ka talaga na wala kang ginagawang mali, kung hindi ka nagtataksil sa kaibigan mo, bakit hindi mo sabihin kay Antonette na madalas mong makasama ang lalaking pinapangarap niya, ang lalaking mahal na mahal niya?
Nanlulumong napabuntong-hininga siya. Nakapagdesisyon na siya a
