Lumingon ako kay Adriel nang kalabitin niya ako. “Bakit?”
“Ate, hindi naman pala totoo ‘yung sinabi ni Papa na manonood siya sa program, eh. Umuwi na kaya siya,” nakasimangot na sambit ng kapatid ko.
Bahagyang bumilog ang aking bibig nang maalala kung ano ang sinasabi ni Adriel. Oo nga, ano, sinabi sa amin ni tatay na manonood daw siya ng program na gaganapin sa school. Panonoorin niya raw si Adriel dahil ang section ng kapatid ko ang napili para mag-perform sa stage. Bukas na iyon gaganapin, at noong nakaraang araw pa nakauwi ng probinsya si tatay.
Bumuntonghininga si Adriel at mas lalong sumimangot kaya naman inilagay ko ang aking kanang palad sa kaniyang likod para tapik-tapikin iyon.
“Hayaan mo na, wala naman na tayong magagawa. Nakauwi na si Tatay sa Bacolod.” Pinaharap ko sa ak
