“Oh, may kasama ka, Jessa?”
Pagdating namin sa puwesto ni lola sa palengke ay nagmano kaagad ako sa kaniya. Nilingon ko si Gani ngunit nagulat na lamang ako nang lumapit siya kay lola at nagmano rin. Hindi ko naman siya sinabihan na gawin iyon, ngunit ginawa na niya.
“Lola, si Gani po. Kaibigan ko po siya noong nasa Bacolod pa po ako,” sambit ko at iminuwestra si Gani kay lola. Gusto ko rin sanang sabihin kay lola na si Gani lang ang kaisa-isa kong kaibigan ngunit hindi ko na ginawa iyon, mukhang hindi naman na kailangan.
Nakatitig si lola kay Gani. Tingin ko ay nagulat din siya nang magmano si Gani sa kaniya dahil hindi naman sila talaga magkakilala.
“Hello po,” bati ni Gani kay lola na may ngiti sa kaniyang labi.
“Hello, Gani.” Ngumiti rin si lola pabalik sa aking kaibigan, pagkat
