“Jessa? Adriel?” Maraming mga katok pa ang narinig ko. “Ang Tatay ninyo ito!”
Nagpalinga-linga ako sa buong paligid sa loob ng bahay, ngunit tumigil ang mga mata ko sa busol ng pinto para makita kung naka-lock ba iyon. Bahagya akong nakahinga nang maluwag nang makitang naka-lock naman na iyon. Nawala sa isip ko kanina kung na-i-lock ko bai yon o hindi.
Dahan-dahan kong pinihit ang busol sa pinto ng aking kuwarto. Pagkatapos ay dahan-dahan ko ring binuksan iyon at paika-ikang pumasok doon. Ang lahat ng mga galaw ko ay mahinahon at halos walang ingay na maririnig, dahil ayaw kong malaman ni tatay na narito ako sa loob.
Bakit… Bakit narito siya? Ano ang gagawin niya rito? Paano niya nalaman ang bahay ni lola? Sobrang daming mga tanong ang umiikot sa utak ko habang nakasandal sa likod ng pi
