“Ate, okay ka lang ba?”
Hindi ko matanggal ang kunot sa aking noo. Sinusubukan ko naman na alisin ang pagkunot ng noo ko ngunit nahihirapan akong gawin iyon. Iniwasan ko na nga ang dahilan kung bakit ganito ang ekspresyon ko.
Bumuntonghininga ako at inilagay ang aking palad sa ilalim ng aking kanang pisngi. Itinukod ko rin ang aking siko sa aking tuhod habang nakaupo ako rito sa labas ng bahay. Hapon na at hindi na ganoon kainit kaya marami ring naglalarong mga bata. Wala ring pasok at sabado ngayon. Pinanonood ko lang ang mga naglalaro.
Nagulat ako nang may sunod-sunod na kumalabit sa akin. Tumingala ako sa aking gilid at nakitang ang kapatid ko iyon na si Adriel.
“Bakit?”
Ginaya rin ni Adriel ang ekspresyon ng mukha ko. Nakakunot na rin ang noo niya ngayon hanggang sa makaupo siya s
