Dumating ang ibang mga apo ni lola Nita pagkalipas ng dalawang araw. Ang mga apo niyang iyon ay mga anak ni tita Marivic. Galing daw silang probinsya kung nasaan ang asawa ni tita nakatira. Hiwalay na rin kasi silang mag-asawa ayon kay lola, at ang dalawang anak ni tita Marivic ay roon nakatira ngunit kinuha niya na ang mga ito ngayon.
“Mag-bless kayo kay Lola Nita ninyo,” sambit ni tita Marivic at bahagyang itinulak ang likod ng kaniyang mga anak para makalapit kay lola.
Nakatitig lamang ako sa mga pinsan ko. Dalawa sila. Isang babae, at isang lalaki kagaya rin namin ni Adriel. Kasing edad ko ang panganay na si Joriz, at ang pangalawa naman ay mas matanda kay Adriel dahil ang sabi ni lola ay 9 years old na raw si Aston.
“Mano po, Lola Nita.” Kinuha ni Joriz ang kanang kamay ni lola at
