Hindi pa rin mawala ang panlalaki ng mga mata ko habang pinanonood ang sponsor ng aming school na nagsasalita roon sa stage. Nakagugulat talaga! Hindi ko inasahan at wala rin akong kaalam-alam na siya ang sponsor ng school. Hindi ko nga rin alam na may nag-spo-sponsor pala sa school namin dahil transferee nga lang ako.
“Irish,” tawag ko sa kaibigan ko na nanonood na ngayon sa stage. Nagsasalita lang naman iyong sponsor at may ipinapaliwanag na kung ano ngunit hindi ko iyon maintindihan masyado.
Tinanong ako ni Irish kanina kung nakakita raw ba ako ng multo dahil namumutla ang mukha ko, ngunit hindi ko sinagot iyon dahil mas iniisip ko ang nakikita ko.
Lumingon sa akin si Irish at tumaas ang dalawang kilay. “Hm? Bakit, Jessa?”
“Bakit pala may sponsor ang school? Eh, 'di ba, public scho
